雪中送炭有幾人?落井下石何其多!

碰上人生中最倒楣的時刻，深深體會何謂雪中送炭，何謂落井下石，亦明白做人處事最緊要係存好心做好事，以及千萬不要把同事當朋友，商場上，爾虞我詐很平常，最緊要自己知道做緊乜野，是否正確。

文章分享 : 富事通：樓市神話

前晚，同老友食飯拆大閘蟹。老友之一，80後，早三年結婚上車，有車有樓。早排賣咗架車，家陣想賣埋層樓。
「點解賣樓？你老婆肯過你？」我問。
「我老婆都贊成喎！換番層細少少、平少少，套啲現，揸多少錢喺手，冇壞。」老友老婆，做零售業，市道好唔好，有第一手感覺。

買樓只問價錢

老友又聽聞，𠵱家業主大晒，甚至有地產經紀都話：「睇樓？邊使睇？價啱就買。反正，如果人哋買來投資，層樓係點又有乜所謂？如果自用，都一定會拆晒啦！」買家不問質素，只問價錢，究竟係乜嘢現象呢？
噚日，又約咗青姐、晨姐兩位食晏，行過IFC，見到好多地產經紀。坦白講，我到今日都仲係唔明白，點解有人相信可以喺條街，隨便都撈到個客，大嗱嗱拎幾十球去買新界豪宅。
食晏時，同兩位阿姐交流小道消息。大家不約而同都話，金融界市道好淡，股票經紀做看更，不在話下。青姐更加話，佢識得嘅Old Money，舊年8月開始已經慢慢放貨：「升住放，點都好過跌住走。」
「高價搶居屋公屋班人，我都唔識點講佢哋。」我話。「不過，今時今日叫買樓嘅人量力而為，猶如阻人發達，有違香港核心價值，分分鐘俾人鬧死。」
「聯儲局都話低息至少維持到2015年中，再加上特區政府唔可能突然間加大供應。最最最緊要，銀紙貶值，磚頭一定升。既然遲早都要買，點解唔早啲買？」
以上對白，香港每個地產經紀都識。有咁宏觀嘅視野，我都只可以引用Joe Kennedy嘅一句名言：「當擦鞋仔都畀股票貼士，就係時候套現離場。」

需求未必永存

一，供應，唔可以只睇一手新樓數目，需求亦唔一定永遠存在。二，聯儲局可以控制短息，不過對長息影響有限。三，再者，美滙唔一定會永遠地低。
以上三個未知因素加起來，我只可以話，所有泡沫都有個好壞嘅結局。願祝大家好運。

李兆富

爽報(16-10-2012)

謝天謝地，第一志願

真係要謝天謝地，小麥獲派第一志願，個日去攞入學註冊証時心情仲緊張過去見工面試，萬一唔理想就有排煩，好彩上天眷顧，順利獲派第一志願，接下來就要諗下點樣幫助佢適應小學生活了，仲有就係都叫有部份幼稚園同學一齊上同一間小學，可以互相照應下。

小朋友最緊要開開心心

何必比咁多壓力佢?開心就笑，唔開心就哭，一個字→〝真〞

只顧自己的管理人

既然個管理人只顧自己，強迫同事接受一個人做2-3個人野，仲講到明唔洗同佢講加人工升職，擺到明迫人硬食，任勞任怨，其他人我唔知佢地點諗，我就覺得好煩厭，要人做得辛苦係咪應該要爭取多啲福利?響度做唔係為錢咁為乜?唔通係為理想咁白痴咩，當人傻都唔好講出口啦，我2012嘅目標就係脫離呢個地方，皆因明知做到隻狗咁之後係無回報嘅!!
p.s.有個同事都幾慘，就係為左滿足啲高層，照佢地意思搞工作坊，仲要星期六日都要返黎搞野，但白痴到佢叫你做之前仲同你講唔好諗升職加人工呀(無錯，又係呢句)，無架，千祈咪諗呀，究竟個管理人係咪傻架??

道不同，不相為謀!

雖然而家工作方面睇落好似上左一層樓，實則有苦自己知，完全唔見有實際回報，
感覺有啲比人利用左添，最慘係同老細理念唔同，佢就鍾意四圍去串人(其他部門)，
四圍辣著火頭，成Q日要執佢啲手尾，鍾意插手干涉人地部門嘅野，攪到其他部門唔
妥佢，成日有屎就搵我地食，佢自己仲懶得戚咁話:「我係咁架啦，做野就要認真完成
件事架」，敝在佢一啲都唔覺自己有問題喎，簡直豈有此理!連自己本身最基本嘅本業
都未做好，成日攬埋晒第啲部門嘅狗屎垃圾野做，仲以為好有價值咁，人地當你傻
仔咋!!我完全不能接受呢種管理方式，我唔似有啲同事咁，老細講咩都係係係，唯命是
從，我經常抵唔住頸就出聲，因為佢咁搞落去，我地呢TEAM人不但只無前景，仲分
分鐘會散晒添(相信有好多同事一直都密謀緊離開呢個部門/地方，而且確實呢一年黎已
經斷斷續續走左好多人，但都唔見佢有檢討個究竟係咩問題，最短嘅係黎左唔夠一個
月就走人，大佬，見唔對路仲浪費自己時間咩? 我現時最大希望並唔係改變佢，而係
快啲搵到後路離開，再口咁落去唔知可以頂得幾耐，一味得個做字!!!仲要係做埋第D部
門嘅野!!!好心先攪掂好自己先啦，正所謂修身、齊家、治國、平天下，係有次序家
嘛，連修身、齊家都未做好，妄想走去平天下，最終只會遍體鱗傷。阿彌陀佛

家陣工作忙左好多

家陣有一組人要管理，唔係咁易，個個人會產生唔同態度同意見，
問題係點樣約束好佢地，又唔可以讓佢地放肆，又要諗方法提昇佢地
工作質素，每日都好攰!!