假如GM破產……

希望GM千萬不要破產，如果唔係就又會發生雷曼迷債事件II了，因為現時本港有好多信貸相聯債券係同三間汽車公司掛鈎的，萬一車廠破產，到時那些債券又會變得一文不值，另一方面歐洲富通銀行亦傳出有問題，不過當地政府應該會注資拯救，避免其破產，所以話今年問題都唔少，小心小心。

下一個泡沫

自從次按泡沫爆破之後，引發金融機構及信貸危機，以致環球經濟衰退，既成事實就喊都無謂，反而開始要小心下一個泡沫形成緊，呢個泡沫就係國債泡沫，由於市場信心問題，資金留入國債，以致債券價格上升，惟美國政府不斷印銀紙之下，亦需不斷發債(見奧巴馬問溫總買唔買多d美債就知啦)，泡沫永遠係因為過份吹捧之下爆破的，所以，減持美債或美元吧!

另外，電盈私有化被通過，意味李先生今次又袋一筆落袋喇(私有化後會派番百幾億比自己，是次交易一毫子都唔洗攞出黎架佢)，李先生不及超人，做每件事都只為自己利益，從借殼德信佳上市開始，根本每一步都係想將普羅大眾啲錢轉入自己袋度，根本無心經營好間公司，只嘆散戶好天真好傻，送錢比佢洗........

有啲擔心添.......

最近不約而同地見到報章、雜誌、傳媒以及玄學家等等都建議大家投資黃金，查實小弟早於08年10月已一直叫買黃金啦(唔信可以睇番:
http://mrmakblog.blogspot.com/2008/10/blog-post.html)，結果金價相當堅挺呢，但係見到現時通街都建議人買黃金，小弟反而有點兒擔憂，擔心黃金會響900美元呢個水平回吐，理由就同買股票一樣，當人人都留意時就要小心。