拉左兩件

早兩日睇新聞話警方商業罪案調查科拉左兩個銀行客戶經理，指佢地於05至08年間涉嫌欺騙及誤導8位客戶購買雷曼迷債，合共損失約HKD350萬元，報紙講到忽然間銀行前線人人自危等等，計我語就真係拉得好，因為極同意銀行前線確實存在部份"瘀血"，正好清理一下，老實講原本銀行前線員工其實好專業家嘛，又考晒牌，屬顧問形式，但就因為有一小撮人為求交數(甚至出位)，不擇手段，令客戶受損之餘亦令銀行員工形象受損，其實何必咁做?比你做到又點?最終得益都係銀行，你出左事你估啲高層會唔會上身?答案係一定唔會，銀行比晒指引你跟住做，你自己違反指引出事，銀行轉頭抄埋你添!所以做野最緊要對得住天地良心，咁就無有怕啦~