你會經常稱讚你的孩子嗎

不要吝惜你的稱讚，適當時候的稱讚可令孩子感到受關注，亦有助建立信心，我會時常稱讚孩子，讓他感覺快樂，做事亦會積極起來，相反孩子失敗時不要責怪他，失敗是正常的事情，誰保証一定成功?孩子肯嘗試已經是很好的表現，有時即使成年人也害怕新嘗試呢，請照顧孩子的感受，盡一切能力關懷、照顧他。

一件小事，但感欣慰

發生了一件小事，令我感到頗欣慰 :
事緣有天隔壁鄰居叔叔問小麥:不如剪隻辣椒送比你好無(鄰居自己種的，我地住個度有花糟的)?
小麥答 : 等我問下媽媽先
然後走去問完，小麥佢就回答 : 唔洗啦，愛黎欣賞就得架喇
呢樣野令我感到小麥的純真，以及識得要問過大人先可以攞人野，就係一直希望培養佢呢樣。
希望能繼續維持下去。

戶外活動--踩單車

今日同小麥去左踩單車，可能佢疏於練習，落斜無乜信心，見佢緊張到忘記按住煞車制慢慢落，我諗都要多啲踩下先得，佢今日玩得好開心，問佢鍾唔鍾意，佢即刻話鍾意(細路係唔講大話嘅)，我心諗起碼好過成日響屋企掛住打機啦!!

唔知捱得幾耐?

有種好強烈嘅感覺，唔知仲可以響而家呢份工作上捱到幾耐，原因係有太多不明朗因素黎緊逐步發生，(一)工作量將會突然地被人為因素導致大幅上升，加多幾多新人都死，新人分分鐘頂唔順仲快走過我；(二)延長工作時間，直接影響休息時間及家庭生活時間；(三)無止境的黑暗日子，人事關係轉複雜化，令人對工作有放棄感。
你話擔唔擔心無工開影響生活?擔心架，不過老實講如果唔開工一年半載都應該無問題嘅(包括家庭開支及小麥開支)，問題係到時唔一定賺番而家嘅人工水平，唔到絕路困境都唔想行到呢步。

嘗試讓孩子自己做決定吧!

許多父母總會習慣在孩子的"上空盤旋"，做其直昇機父母，亦會為孩子鋪排好以後每一步?就如衛斯理所講，依照生命密碼去生活，生活變得死板的，為什麼事情
總不能交由孩子自己決定?又或是讓孩子參與決定?就如計劃一個假期行程，
不妨與孩子一起商討，大家參與其中，相信對小孩的成長絕對有正面作用
(最近選小學亦有問孩子意見)，希望能跳出規律，誰說大人做的決定就不會有錯嗎?
那麼買股票就人人贏錢啦!
其實讓孩子習慣商議事情實在是好的，因為他們能從中學會人與人之間的溝通，
特別現今社會只習慣電子化溝通，語言之間的溝通相對比以前少，最近孩子老師
稱讚小兒懂得包容，以及勇於發問，其實先從品格這些基本做人的條件上培養好的話，
對學習方面定有幫助，放手讓孩子自己選擇自己的人生吧。

金銀易買過股票

以上是白銀日線圖，你會見到佢築底回升，順勢而買，
睇金銀圖表買會易過睇股票圖表，因為股票圖表陷阱處處

咕嚕肉

今日炒左碟咕嚕肉，都尚算OK，果然配合埋青椒及菠蘿十分惹味，
下次再試下整其他。

投資者心態

其實投資要先克服心理因素，才能得心應手，
一句講晒，唔好跟大隊，保持相反理論!

小孩子之滿足

其實小孩們很容易滿足，並不需要新穎或昂貴的玩具，只要幾個小朋友一起玩下玩具、玩遊戲已經可以足夠，有時覺得做小孩真好，妨忽只有玩耍，童年就應該是這樣，難道做家長就有權奪去小孩應有的童年麼?希望所有家長都能讓小孩有個應有的快樂童年，小孩的純真是很可貴的，為何不能給予小孩快快樂樂過每一天?見有報導提及有家長安排小孩一星期上十種興趣班，真係匪夷所思，真正係放學仲忙過返學，試下掉番轉安排家長每天返完工仲要係咁上堂?人都癲都似，己所不欲嘛，真係咩人都有。