信定唔信

任總最近提示我地話要小心金融海嘯第二波快將來臨，重預期呢次重犀利過去年9月，你話佢危言聳聽又得，話佢未卜先知都無所謂，因為呢個並唔係你信同唔信的問題，而係你信唔信都好，佢都會黎!!
預料春節過後會有一批企業倒閉，無辦法啦，接唔到訂單，想捱都捱唔到落去啦；
最近市場焦點集中匯豐，09年減派息就梗架喇，問題係究竟會減一半定超過一半?(抑或好似高盛估計完全無息派?)到3月公佈業績時就知，佢管理層否認需要集資，市場對之半信半疑，不過小弟就話寧願配股都不要政府入股，如果唔係就有排插!!
另外右圖係1年期黃金對比恆生指數走勢圖，上面陰陽燭就係黃金，下面紫色線就係恆指，一拍埋就可知黃金超強勢!!你話唔買黃金點得?
(唉，講都講到口臭了.....)